“دواى جهژن تاوتوێى كۆتايهێنان به ئهمساڵى خوێندن دهكرێت له ههرێم”
قوتابخانهیهك له ههرێمى كوردستان | فۆتۆ: UNICEF
SNN – ههوراز ئهحمهد
ئهندامێكى لیژنهى پهروهرده و خوێندنى باڵا له پهرلهمانى كوردستان رایدهگهیهنێت: بڕیاره لیژنهكهمان لهدواى پشووهكانى جهژن كۆببێتهوه بۆ ئهوهى تاوتوێى كۆتایهێنان به ئهمساڵى خوێندن بكهین ئهگهر دۆخى كوردستان لهڕووى بڵاوبوونهوهى كۆرۆنا باشنهبوو”.
فهرید یهعقوب، ئهندامى لیژنهى پهروهرده و خوێندنى باڵا له پهرلهمانى كوردستان به (SNN)ى راگهیاند: “دۆخى عێراق ئهوهى دهخواست كه وهزارهتى پهرهوهرده بڕیارى لهسهر داوه، چونكه رێژهى تووشبوون به كۆرۆنا بهرزه، بهڵام هێشتا ههرێمى كوردستان نهيگهشتووه بهو ئاسته مهترسیداره، بۆیه هێشتا ئهو بڕیاره نهگۆڕاوه كه له 1ى حوزهیران پۆله ناكۆتاكان تاقیكردنهوه ئهنجام بدهن”.
لهبارهى ئهگهرى كۆتایهێنان به ساڵى خوێندنى (2019 ـ 2020) هاوشێوهى عێراق وتیشى: “ئهگهر تاوهكو دواى جهژن حاڵهتهكانى كۆرۆنا زیادیكرد ئهوا لیژنهكهمان كۆدهبێتهوه تاوتوى بڕیارێكى هاوشێوهى بڕیارهكهى حكومهتى ناوهند دهكات”.
ئهو ئهندامهى لیژنهى پهروهرده و خوێندنى باڵا ئهوهشى خستهڕوو: “ئێمه لهگهڵ سیستمى عبور (پهڕینهوه) نین، بهڵام ئهگهر ئهو كاته دۆخێكى مهترسیدار بێته ئاراوه ئهوا ئهگهرهكان كراوه دهبن”.
