نەتەوەیەکگرتووەکان ژمارەی ئاوارە و قوربانیانی مەدەنی شەڕ لە ئۆکرانیا رادەگەیەنێت
SNN
نەتەوەیەکگرتووەکان ئاماژە بەوە دەکات تائێستا زیاتر لە هەزار مەدەنی لە ئۆکرانیا بە هۆی شەڕەوە کوژراون و برینداربوون و سەدان هەزار کەسیش ئەو وڵاتەیان جێهێشتووە.
کۆمیسیاریای باڵای مافەکانی مرۆڤی سەر بە نەتەوەیەکگرتووەکان رایگەیاند: لە ئەنجامی شەڕ لە ئۆکرانیا تائێستا 364 کەسی مەدەنی کوژراون و 759 کەس دیکەش برینداربوون.
راشیگەیاندوە: ژمارەی راستەقینەی قوربانیانی مەدەنی شەڕ لە ئۆکرانیا زۆر لەوە زیاترە، بەڵام تائێستا قوربانی بوونی ئەو ژمارەیان پشتڕاست کردوەتەوە.
هاوکات ئاماژەی بەوەشکردووە، تائێستا یەک ملیۆن و 500 هەزار هاووڵاتی ئۆکرانی ناچار بوون بە هۆی شەڕەوە وڵاتەکەیان جێبهێڵن، کە نزیکەی یەک ملیۆن کەسیان روویان کردوەتە پۆڵەندا.
