نامەی ماڵئاوای لە کازميەوە

SNN

پاش راگەياندنی کانديدەکەی سەدر سەرۆکوەزيرانی عێراق نامەيەکی ماڵئاوايی بڵاوکردەوە و تيايدا باس لە دەستکەوتەکانی کابينەکەی دەکات و دەڵێت “هەموو ئەرکانی خزمەتکردنی گەلەکەمان بەجێ گەیاندووە”.

مستەفا کازمی سەرۆکوەزيرانی عێراق لە نامەيەکدا لە تويتەر بڵاويکردووەتەوە: لە بڕیاردان بۆ بەرژەوەندی گەلەکەمان نە دواکەوتوین و نە دوودڵ بوین و بەرژەوەندی خۆمان پێش بەرژەوەندی گەل نەخستووە و موزایەدەمان بە بەرژەوەندیەکانیانەوە نەکردووە.

دەشڵێت “وڵاتمان گەیاندە بە هەڵبژاردنێکی پاک و بێگەرد و سەر باری هەموو رێگری و ئاڵنگاریە ناوخۆی و دەرەکییەکان بە ئارامی و خۆڕاگرییەکی زۆرەوە بنەماکانی تێپەڕاندنی قەیرانە ئابوری و کۆمەڵایەتی و ئەمنیەکانمان بۆ حکومەتی داهاتوو داناوە”.

ئەمەش لە کاتێکدايە، ئەمڕۆ ميدياکانی عێراق بڵاويانکردەوە: موقتەدا سەدر رێبەری رەوتی سەدر لە پەيوەندييە تەلەفونييەکەی شەوی رابردووی لەگەڵ نوری ماليکی سەرۆکی هاوپەيمانی دەوڵەتی ياسا، سەدر جەعفەر سادقی ئامۆزی خۆی بۆ وەرگرتنی پۆستی سەرۆک وەزیران پێشنیارکردووە.