چواچێوەی هەماهەنگی لەسەر کانديدی پۆستی سەرۆکوەزيران رێکەوتن

0
662

SNN

ميدياکانی عێراق بڵاويانکردەوە: ئەمڕۆ سەرکردەکانی چوارچێوەی هەماهەنگی کۆبوونەتەوە و لە کۆبوونەوەکەدا رەزامەندبوون بە کانديدکردنی جەعفەر سەدر بۆ پۆستی سەرۆکوەزيران.

ميدياکانی عێراق لە زاری چەند سەرچاوەيەکەوە بڵاويانکردووەتەوە:دوای دەستپێشخەرییەکەی شەوی رابردوی موقتەدا سەدر، رێبەری رەوتی سەدر، ئەمڕۆ هەینی سەرکردەکانی چوارچێوەی هەماهەنگی کۆبوونەوە، چوارچێوەی هەماهەنگی رەزامەندی دەربڕیوە لەسەر کاندیدکردنی محەمەد جەعفەر محەمەد سەدر بۆ پۆستی سەرۆکوەزیران.

ئەوەش راگەيەندراوە: لە کۆبوونەوەکەدا ناوی نوری ماليکی سەرۆکی هاوپەيمانی دەوڵەتی ياسا بۆ پۆستی جێگری سەرۆکوەزيران هاتووە.

سەرچاوەکە بە ميديا عێراقييەکانی وتووە: سەرکردەکانی چوارچێوەی هەماهەنگی داوای کۆبوونەوەيەکی رووبەڕوويان لەگەڵ سەدر کردووە، بۆ ئەو مەبەستەش سەدر لە 72 کاتژمێری داهاتوودا دەگاتە بەغدا”.

ئەمەش لە کاتێکدايە، ئەمڕۆ ميدياکانی عێراق بڵاويانکردەوە: موقتەدا سەدر رێبەری رەوتی سەدر لە پەيوەندييە تەلەفونييەکەی شەوی رابردووی لەگەڵ نوری ماليکی سەرۆکی هاوپەيمانی دەوڵەتی ياسا، سەدر جەعفەر سادقی ئامۆزی خۆی بۆ وەرگرتنی پۆستی سەرۆک وەزیران پێشنیارکردووە.

Share it:
Previous Next
Close
Test Caption
Test Description goes like this