پێشبینی دەکرێت رۆژی نەورۆز باران ببارێت

SNN

شارەزایەکی کەشناسی پێشبینی دەکات رۆژی نەورۆز باران ببارێت و پلەکانی گەرماش نزمدەبنەوە.

سادق عەتیە شارەزای كەشناسی عێراقی لە هەژماری خۆی لە تۆڕی كۆمەڵایەتی فەیسبووك بڵاویكردووەتەوە، بەگوێرەی پێشبینییەكان رۆژانی یەكشەممە و دووشەممە واتا 20 و 21ی ئادار پلەكانی گەرما لە بەشێك لە ناوچەكان بەتایبەت هەرێمی كوردستان دادەبەزێت.

هەر بەپێی پێشبینییەكان، هەروەها رۆژی یەكشەممە ئەگەری بارانبارینێكی كەم لە پارێزگاكانی دهۆك و هەولێر هەیە و لە شەویشدا ئەگەری هەیە سنووری سلێمانی بگرێتەوە.

ئاماژەی بۆ ئەوەشکردووە، رۆژی دووشەممەش 21 ی 3 ی 2022 ئەگەری باران بارین لە ناوچەكانی هەرێمی كوردستان هەیە.