“عێراق 200 مليارەکە دەنێرێت”

SNN

جێگری دووەمی سەرۆکی ئەنجومەنی نوێنەرانی عێراق رايگەياند: لەگەڵ کازمی کۆبوومەتەوە و بەغ دا200 مليارەکە و پارەی گەنمی جوتياران دەنێرێت.

شاخەوان عەبدوڵا جێگری دووەمی سەرۆکی ئەنجومەنی نوێنەرانی عێراق لە چاوپێککەوتنێکی تەلەفيزيۆنيدا رايگەياند: بە بڕیاری مستەفا کازمی، سەرۆکوەزیرانی عێراق پارەی جوتیارانی هەرێم و 200 ملیارەکە دەنێردرێت”.

وتيشی ‘لەگەڵ مستەفا کازمی، سەرۆکوەزیرانی عێراق کۆبوومەتەوە، نوسراوێکم ئاراستەکردووە لەسەر پارەی گەنمی جوتياران، راستەوخۆ لەوێ تێبینی لەسەر نووسی بۆ ئەوەی ئەو پارەیە خەرجبکرێت، ئەو پارەیە هی ساڵانی 2014 تاوەکو 2016یە”.

باسی لەوەشکرد: سەبارەت بە ناردنی 200 ملیارەکە مستەفا کازمی لە کۆبوونەوەی ئەنجوومەنی وەزیران بڕیاری ناردنی داوە.