تەندروستی عێراق، هەشت کەس بەهۆی تای خوێنبەربوونەوە گیانیان لەدەستداوە

SNN

وەزارەتی تەندروستی عێراق 8 حاڵەتی مردن و 40 تووشبووی تای خوێنبەربوون-ی راگەیاندو ئاماژە بەوەشدەکات “زیاتر لە 50%ی حاڵەتەکان لە پارێزگای زیقار بوون”.

وەزارەتی تەندروستی عێراق راگەیەندراوێکی بڵاوکردووەتەوە و دەڵێت: “تا ئێستا 40 کەس تووشی تای خوێنەبەربوون بوون کە زیاتر لە نیوەیان لە زیقار بوون، هەروەها 8 کەسیش بەهۆی پەتاکەوە گیانیان لەدەستداوە کە پێنجیان لە زیقار بوون”.

وەزارەتەکە دڵنیایی دەدات کە چاودێری هەموو حاڵەتە تووشبووەکان وگومانلێکراوەکان دەکات و و دەشڵێت:” تاقیگەی پزیشکی تایبەت بە دیاریکردنی ئەو نەخۆشییەمان هەیە، ئەگەر نەخۆشییەکەش لە سەرەتادا دیاریبکرێت چارەسەرەکەی ئاسانتر دەبێت، بەڵام بە پێچەوانەوە ئەگەری مردنی زیاترە”.