حکومەتی هەرێم لەبارەی مووچەوە بڕیاریدا

SNN

کۆبوونەوەکەی حکومەت لەگەڵ پارێزگاکانی سلێمانی و هەڵەبجە و سەرپەرشتیارانی گەرمیان و راپەرین کۆتاییهات و لە بارەیەوە چەند بڕیارێک درا، سەرۆکی حکومەتی هەرێم لەگەڵ پارێزگاکانی سلێمانی و هەڵەبجە سەرپەرشتیارانی گەرمیان و راپەرین کۆبووەوە.

بەپێی زانیارییەکان، لە کۆبونەوەکەی سەرۆکی حکومەت و جێگری سەرۆکی حکومەت و وەزیرانی دارایی و ناوخۆ لەگەڵ پارێزگای سلێمانی و هەڵەبجە سەرپەرشتیارانی ئیدارەکانی گەرمیان راپەڕین بریاری گرنگدراوە، بڕیاردراوە مووچەی مانگی نیسان لە داهاتی نەوت و لە 200 ملیار دینارەکەی بەغداد دابەشبکرێت و پێویستی بە داهاتی ناوخۆ نەبێت، بەمەش مووچەی هیچ وەزارەتێک دواناکەوێت تا 28 مانگ سەرجەم وەزارەتەکان موچە وەردەگرن.

لەکۆبونەوەکە لیژنەیەکی هاوبەش پێکهێندرا بۆ بەدواداچونی دواکەوتنی مووچە لە سلێمانی لیژنەکە بەزوترین کات میکانیزمێک دەدۆزێتەوە بۆئەوەی چیتر مووچە لە سلێمانی دوانەکەوێت.

هەروەها بڕیاردرا دابەشکرنی مووچەی مانگی نیسان لە داهاتی نەوت و 200 ملیار دینارەکەی بەغدا بێت، ئەم مانگە مووچە پێویستی بە داهاتی ناوخۆ نەبێت بەو پێیەی کە حکومەتی عیراق لە ساڵی 2022دا تەنها دو جار 200 ملیار دینارەکەی ناردوە بۆیە ناردنی ئەو پارەیە زۆر گرنگە لەم قۆناغەدا بۆ دابەشکرنی موچە لە کاتی خۆیدا.