دەوام لە زانكۆی هەڵبجە ئاسایی بووەوە و بايكۆت هەڵپەسێردرا

SNN-عەلی حەمە سەعید

دوای ئەوەی ماوەی زیاد لە دوو هەفتەبوو مامۆستایانی زانكۆی هەڵەبجە تاقیكردنەوەكانیان ڕاگرتبوو هەروەها بایكۆتی دەوامیان كردبوو ئەوەش بەهۆی دابەشنەكردنی مووچەكانیان و هەروەها چەند داواكارییەكی دیكە، بەڵام لە ئەمڕۆوە دەوامی زانكۆی هەڵەبجە ئاسایی بووەتەوە و بە مەرج مامۆستایانی زانكۆ بایكۆتیان هەڵپەسارد.

عومەر فواد، نوێنەری مامۆستایان و فەرمانبەرانی زانكۆی هەڵەبجە بە SNNی ڕایگەیاند: دوای ئەوەی لەماوەی ڕابردوودا و بەهۆی دواكەوتن و دابەشنەكردنی مووچەكانمان لەوادەی دیاریكراوی خۆیدا دەستمان بە بیكۆتی دەوامكرد و تاقیكردنەوەكانمان هەڵپەسارد، بەڵام دواجار بۆ دەستپێكردنەوەی خوێندن و ئەنجامدانی تاقیكردنەوەكان بە مەرج بایكۆتكردنمان هەڵپەساردووە تاكو داواكارییەكانمان جێبەجێ دەكرێت.

ئاماژەی بەوەشكرد: داوامان لە سەرۆكایەتییەكانی هەرێم و وەزارەت و لایەنە پەیوەندیدارەكان كردووە، هەموو 30 ڕۆژ جارێك مووچە لە كاتی خۆیدا دابەشبكرێت و پلە بەرزكردنەوە دەستپێبكاتەوە و چارەنووسی مووچە پاشەكەوتكراوەكانیش دیاریبكرێت بەومەرجانە بایكۆتمان هەڵپەساردووە.

ئەو نوێنەرەی مامۆستایان و فەرمانبەرانی هەڵەبجە ئەوەشی حستەڕوو: تاكۆتایهێنان بە تاقیكردنەوەكانی بەشە جیاوازەكانی زانكۆ بایكۆتمان هەڵپەساردووە، بەڵام ئەگەر لەداهاتوودا داواكارییەكانمان جێبەجێنەكرێت ئەوا جارێكی دیكە شانبەشانی مامۆستایان و فەرماتبەرانی وەزارەتە جیاوازەكان دەستدەكەینەوە بە بایكۆت.