موقتەدا سەدر: تاقیکراوەکان تاقیناکرێنەوە و کارەساتی کۆن دووبارە نابێتەوە

SNN

موقتەدا سەدر رێبەری رەوتی سەدر پەیامێکی ئاراستەی بەشداربووان لە نوێژی هەینی بەکۆمەڵی یەکگرتوویی کرد.

پەیامەکە لەلایەن مەحمود ئەلجیاشی خوێندرایەوە و تیایدا جەخت لەسەر کۆتاییهێنان بە دەستوەردانی دەرەکی کردووە و رایگەیاند: حکومەت بە پابەندبوون بە دەرکردنی داگیرکەران پێکدێت، باسی لەوەشکردووە: زۆربەی لایەنە سیاسیەکان لە دەرەوە ئاراستە دەکرێن.

هەر لەو چوارچێوەدا سەدر داواشی کردووە، حەشدی شەعبی رێکبخرێتەوە و لە دەستوەردانی دەرەکی دووربخرێتەوە.

لەبەشێکی دیکەی پەیامەکەیدا سەدر رایگەیاند: ” کەسانی تاقیکراوە تاقیناکرێنەوە و کارەساتی کۆن دووبارە نابنەوە”.

سەبارەت بە پرسی گەندەڵیش سەدر داوای کرد لایەنە سیاسییەکان گەندەڵکارانیان سزا بدەن.

رێبەری رەوتی سەدر داواشی کرد تەنیا چەک بەدەست دەوڵەتەوە بێت و وتی: ” تاوەکوو چەکی دەرەوەی یاسا هەبێت حکومەتی بەهێز پێکنایات”.