زیاتر له 800 هه‌زار گه‌شتیار روویان له ئێران كردووه كه زۆرینه‌یان عێراقین
SNN
یاریده‌ده‌رى كاروبارى گه‌شتیارى له وه‌زاره‌تى گه‌شتیارى و كلتورى ئێران رایگه‌یاند، له نیوه‌ى یه‌كه‌مى ئه‌مساڵدا زیاتر له 800 هه‌زار گه‌شتیار روویان له ئێران كردووه.
ئه‌مڕۆ چوارشه‌ممه 3ى ئاب، عه‌لى ئه‌سغه‌ر شالبافان، یاریده‌ده‌رى كاروبارى گه‌شتیارى له وه‌زاره‌تى گه‌شتیارى و كلتورىئێران ئامارى سه‌ردانی گه‌شتیارانى بۆ وڵاته‌كه‌ى ئاشكرا كرد و رایگه‌یاند، “له نیوه‌ى یه‌كه‌مى ئه‌مساڵدا 800 هه‌زار گه‌شتیار روویان له ئێران كردووه كه زۆرینه‌یان عێراقین”.
له‌باره‌ى ئه‌و وڵاتانه‌ى تر كه پێشه‌نگیان گرتووه له سه‌ردانیكردنى ئێران به‌مه‌به‌ستى گه‌شتیارى شالبافان ئه‌وه‌ى خسته‌ڕوو، “له‌دواى عێراق هاووڵاتییانى توركیا، ئه‌فغانستان، ئازربه‌یجان و پاكسان له لیستى ئه‌و وڵاتانه‌دان كه سه‌ردانى ئێرانیان كردووه به‌مه‌به‌ستى گه‌شتیارى”.
له به‌شێكى ترى لێدوانه‌كه‌یدا یاریده‌ده‌رى كاروبارى گه‌شتیارى له وه‌زاره‌تى گه‌شتیارى و كلتورى ئێران ئه‌وه‌شى خسته‌ڕوو، “ئه‌و گه‌شتیارانه داهاتێكى به‌رچاویان هێناوه بۆ ئێران و جموجۆڵیان خستووه‌ته نێو ئابوورى وڵاته‌كه”.
