عێراق لە ماوەی یەک ساڵدا بە بەهای 17 ملیار دۆلار کاڵای هاوردە کردووە

SNN

بەڕێوەبەرایەتی داتاو زانیاری بەغدا ئەمڕۆ دووشەممە ئامارێکی بڵاوکردەوە تێیدا ئاماژەی بەوەکرد کە وڵاتی عێراق لە ساڵی 2021دا بە بەهای 17 ملیار دۆلار کاڵای هاوردەکردووە کە بەشێکی زۆری کاڵاکان پێداویستی رۆژانە و بەرهەمە نەوتییەکان بووە، وڵاتی چینیش لە پلەی یەکەمدا دێت کە عێراق کاڵاو شمەکی لێوە هاوردە کردووە.

ئاماژەی بەوەشکردووە، عێراق لە ساڵی 2021دا بە بەهای 17 ملیار دۆلار کاڵای هاوردەکردووە کە دەکاتە 24 ترلیۆن دیناری عێراقی و بە رێژەی لە %35 بەراورد بە ساڵی 2020 زیادی کردووە کە بە بەهای 15 ملیار دۆلار کاڵای هاوردە کردووە، وڵاتی چین لە پلەی یەکەمی ئەو ریزبەندییەدا دێت، وڵاتی ئێران لە پلەی دووەمدا و وڵاتی تورکیاش لە پلەی سێیەمدا، وا پێشبینیش دەکرێت ئەم رێژەیە بۆ ئەمساڵ زیاتربێت.