نرخى یهك بهرمیل نهوتى سپى ماڵان بۆ 255 ههزار دابهزى
دابهشكردنى نهوتى سپى بهسهر هاووڵاتییاندا له پارێزگاى ههڵهبجه | فۆتۆ: SNN
SNN- عەلی حەمەسەعید
خاوهن كۆگایهكى سووتهمهنى رایدهگهیهنێت، نرخى یهك بهرمیل نهوتى سپى ماڵان 20 ههزار دينار دابهزیووه.
ئهمڕۆ دووشهممه 15ى ئاب، بههادین محهمهد، خاوهنى كۆگاى سووتهمهنى له سلێمانى به SNNى راگهیاند، “ههرچهنده له ماوهى رابردوودا نرخى نهوتى سپى ماڵان بهرزبوونهوهیهكى بهرچاوى بهخۆیهوه بینى، بهڵام چهند رۆژێكه نرخهكهى له دابهزینه، بهشێوهیهك یهك بهرمیل نهوت 20 ههزار ههرزانبووه”.
لهبارهى دابهزینى نرخهكهوه بههادین محهمهد ئهوهشى روونكردهوه، “مانگى پێشوو لهم كاتهدا یهك بهرمیل نهوتى سپى كه 200 لیتره به 275 ههزار دینار بوو، بهڵام ئێستا نرخهكه دابهزیووه بۆ 255 ههزار”.
ئهو خاوهن كۆگایه لهبارهى هۆكارى دابهزینى نرخهكهوه ئهوهشى خستهڕوو، “چهند رۆژێكه دهنگۆیهك بڵاوبووهتهوه كه حكومهتى عێراقى بڕى نهوتى سپى ههرێمى كوردستان لهگهڵ پارێزگاكانى تر دهنێرێت و دهستبه دابهشكردنى دهكرێت، ئهمه سهرهڕاى ئهوهى له بازاڕه جیهانیيهكاندا نرخى نهوت دابهزینى بهخۆیهوه بینیووه له دوو ههفتهى رابردوودا ههربۆیهشه نرخى نهوت روو له دابهزینى بهردهوامه“.
