سەرۆکی یەکێتیی نیشتمانیی کوردستان و ئەمینداری گشتیی بزووتنەوەی عەسائیب ئەھلی حەق كۆبوونهوه
كۆبوونهوهى سەرۆکی یەکێتیی نیشتمانیی کوردستان و ئەمینداری گشتیی بزووتنەوەی عەسائیب ئەھلی حەق | فۆتۆ: SNN
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان لەبەغدا چاویکەوت بە قەیس خەزعەلی، ئەمینداری گشتیی بزووتنەوەی عەسائیب ئەھلی حەق.
لەدیدارێكدا گفتوگۆ لەبارەی دوایین ئەگەر و پێشهاتە سیاسییەكان كرا و جەخت لە رەخساندنی زەمینەی لەبار و گفتوگۆی بونیادنەرانە كرایەوە بۆ تێپەڕاندنی بەربەستەكان و زاڵبوون بەسەر كێشەكاندا.
سەرۆکی یەکێتیی نیشتمانیی کوردستان ئاماژەی بە هەوڵەكانی یەكێتی كرد و وتی: “ئامانجی ئێمە یەكڕیزی و تەبایی نێوان هێز و لایەنە سیاسییەكانە. دەمانەوێت هەموولایەك بەرپرسیارێتی مێژوویی خۆیان هەڵگرن، كار بۆ چارەسەركردنی كێشەكان بكەن و هەوڵی دروستكردنی داهاتوویەكی سەقامگیر بۆ هاووڵاتییان بدەن كە شایستەی ژیانێكی باشتر و خزمەتگوزاری زیاترن”.
