دادگای فیدڕاڵی 30 مانگ، لەسەر داواکەی سەدر بۆ هەڵوەشاندنەوەی پەرلەمان کۆدەبێتەوە
ئەنجوومەنی دادوەری دادگای فیدڕاڵی عێراق
SNN
ئەمڕۆ هەینی، دادگای فیدڕاڵی عێراق بڕیاریدا رۆژی 30ئەم مانگە کە دەکاتە سێشەممەی داهاتوو دوا وادەبێت بۆ کۆبوونەوە لەسەر داواکەی موقتەدا سەدر بۆ هەڵوەشاندوەی پەرلەمانی عێراق.
هەفتەی رابردوو ناسر روبەیعی، ئەمینداری گشتی کوتلەی سەدری داوایەکی پێشکەش بە دادگای فیدڕاڵێ عێراق کرد بۆ هەڵوەشانەوەی خولی پێنجەمەی پەرلەمان و راسپاردنی سەرۆککۆماری ئێستای عێراق بۆ دیاریکردنی وادەی هەڵبژاردنێکی پێشوەختە، بۆیە دادگای فیدڕاڵی عێراق بڕیاریدا 30ی ئەم مانگە لەسەر داواکەی کوتلەی سەدری کۆببێتەوە و بڕیار بدات بە هەڵوەشاندەوەی پەرلەمان و ئەنجامدانی هەڵبژاردنی پێشوەختە یاخود نا.
