هاتووچۆى گهشتیارى له مهرزى حاجی ئۆمەران وهستا
مەرزی حاجی ئۆمەران
SNN
كهمێك لهمهوبهر بهشى راگەیاندن و پەیوەندییەکانی دهروازهى نێودهوڵهتى حاجى ئۆمهران بهیانامهیهكیان بڵاوكردهوه و رایانگهیاند، هاتووچۆى گهشتیارى له دهروازهكه وهستاوه.
له بهیاننامهكهدا كه ئهمڕۆ سێشهممه 30ى ئاب، بڵاوكراوهتهوه هاتووه، “ئاگاداریەک لە دەروازەی نێودەوڵەتی حاجی ئۆمەران بۆ ئەو گەشتیارانەی کە بە نیازن سەردانی کۆماری ئیسلامی ئێران بکەن گەشتکردن راگیراوە، چونکە لە لایەن مەرزی تەمەرچین ئاگادار کراینەوە تاکو کاتێکی نادیار جوڵەی گەشتیاری راگیراوە”.
دهقى راگهیهنراوهكه
ئاگاداریەک لە دەروازەی نێودەوڵەتی حاجی ئۆمەران بۆ ئەو گەشتیارانەی کە بە نیازن سەردانی کۆماری ئیسلامی ئێران بکەن گەشت کردن ڕاگیراوە چونکە لە لایەن مەرزی تەمەرچین ئاگادار کراینەوە تاکو کاتێکی نادیار جوڵەی گەشتیاری ڕاگیراوە بەلام جووڵەی بازرگانی بەردەوامی ھەیە .
ئاگادارییهكهى دهروازهى نێودهوڵهتى حاجى ئۆمهران لهكاتێكدایه كه بهیانى ئهمڕۆ ماجید میرمحهمهد، جێگرى وهزیرى ناوخۆى ئێران بۆ كاروبارى ئاسایشى سنوورهكان رایگهیاند، “بههۆى خراپى و ئاڵۆزى دۆخى عێراقهوه بڕیارماندا تهواوى سنووره وشكانییهكانمان لهگهڵ ئهو وڵاته دابخهین و جوڵهى بازرگانیش بوهستێنین”.
