جێگری سەرۆکی ئەرژەنتین لە هەوڵێکی کوشتن رزگاری بوو
SNN
جێگری سەرۆکی ئەرژەنتین لەبەردەم ماڵەکەی خۆی دەمانچە خرایە سەر سەری بەڵام بە هۆی لەکارکەوتنی دەمانچەکەوە لەو هەوڵە کوشتنە رزگاری بوو.
کریستینا کریشنەر جێگری سەرۆکی ئەرژەنتین لە کاتێکدا لەبەردەم ماڵەکەی بەخێرهاتنی میوان و هەوادارانی دەکرد لە لایەن پیاوێکەوە دەمانچە خرایە سەر سەری، بەڵام دەمانچەکە لەکارکەوت و دواتر پاسەوانەکانی ئەو هێرشبەرەیان دەستگیرکرد.
بە وتەی بەرپرسانی پۆلیس دەمانچەی هێرشبەرەکە پێنج فیشەکی تێدا بووە.
هەوڵی کوشتنی جێگری سەرۆکی ئەرژەنتین لەکاتێکدایە کە ناوبراو بە هۆی تێوەگلان لە دۆسیەی گەندەڵی دادگایی دەکرێت.
