کۆمپانیایەکی بواری نەوت کشانەوەی خۆی لە هەرێمی کوردستان راگەیاند

SNN

کۆمپانیایەکی فەڕەنسی بواری نەوت لە هەریمی کوردستان کشایەوە و سەرجەم پشکەکانی لە کێڵگەیەکی دهۆک فرۆشتەوە.

له‌ڕاگه‌یه‌ندراوێكدا كۆمپانیای تۆتاڵ ئینێرجی ئاشکرای کردووە، كۆی گشتیی به‌شه‌كه‌ی له‌ كێڵگه‌ی نه‌وتی سه‌رسنگ كه‌ ده‌كاته‌ 18% ی پشكه‌كان به‌ بڕی 155 ملیۆن دۆلار فرۆشتوه‌ به‌ كۆمپانیای شه‌مێران پترۆلیۆم.

کۆمپانیاکە پابەندبوونیشی بە کاردکردن لەگەڵ حکومەتی عێراق دووپاتکردووەتەوە.

كێڵگه‌ی سه‌رسه‌نگ ده‌كه‌وێته‌ سنووری پارێزگای دهۆك و له‌ ساڵی 2011 دۆزرایه‌وه‌، له‌لایه‌ن كۆمپانیای ئه‌مریكی Hellwood Energy (HKN) به‌ڕێوه‌ده‌برێت، كه‌ خاوه‌نی 62%ی كێڵگه‌كه‌یه‌ و پشكی حكومه‌تی هه‌رێمیش له‌و كێڵگه‌یه‌ ته‌نها 20%یه‌، كۆمپانیای تۆتاڵ ئینێرجیش له‌ ساڵی 2021ه‌وه‌ ڕۆژانه‌ سێ هه‌زار و 500 به‌رمیل نه‌وتی له‌و كێڵگه‌یه‌ به‌رهه‌مهێناوه‌.

ساڵی رابردوو حكومه‌تی عێراق و كۆمپانیای تۆتاڵ ئینێرجی فڕه‌نسی به‌به‌های 27 ملیار دۆلار گرێبه‌ستێكیان له‌بواری وه‌به‌رهێنان له‌كه‌رتی غاز، نه‌وت و به‌رهه‌مهێنانی كاره‌با له‌رێگه‌ی وزه‌ی خۆر واژۆ كرد، رێككه‌وتنه‌كه‌ هاوكاری عێراق ده‌كات له‌چاره‌سه‌ری كێشه‌ی وزه‌ و كه‌مكردنه‌وه‌ی پشت به‌ستن به‌و وزه‌یه‌ی كه‌دۆستی ژینگه‌ نیه‌.