لە رووداوێکی تەقەکردندا لە مەکسيک 18 کەس کوژران
SNN
شەوی رابردوو لە هێرشێکی چەکداريدا لە شارۆچکەی توتولاپانی وڵاتی مەکسيک لە رووداوێکی تەقەکردندا لانيکەم 18 کەس کوژران.
شەوی رابردوو هێرشێکی چەکداری لە شاری توتولاپانی سەر بە ویلایەتی گیریرۆی لە باشووری مەکسیک روویدا و لە ئەنجامدا کوژرانی 18 کەسی لێکەوتەوە، لەناو کوژراوەکاندا سەرۆکی شارەوانی توتولاپان هەیە.
ميدياکانی جيهان باس لەوە دەکەن زۆربەی رێگا سەرەکييەکانی ويلايەتی گيريرۆ بە بارهەڵگری گەورە گيراوە بۆ ئەوەی رێگری بکەن لە گەيشتنی پۆليس و لێکۆڵەرەکان.
تا ئێستا هيچ زانيارييەک لەسەر ناسنامەی تەقەکەرەکان ئاشکرا نەکراوە.
