لەمەودوا نەشتەرگەری بێ بەرامبەر بۆ ئەم کەسانە ئەنجامدەدرێت

SNN-

بۆ لە مەودوا کەسوکاری شەهیدان و زیندانییانی سیاسی لەسەنتەرەکانی دڵ نەشتەرگەری و پشکنینی بێ بەرامبەریان بۆ دەکرێت

فەرمانگەی میدیاو زانیاری حکومەتی هەرێمی کوردستان بڵاویکردووەتەوە، دوای ڕێککەوتنی نێوان هەردوو وەزارەتی کار و کاروباری شەهیدان و ئەنفالکراوان، وەزارەتی تەندروستی حکومەتی هەرێمی کوردستان، بۆ زیاتر خزمەتکردنی کەس و کاری شەهیدان و زیندانیانی سیاسی و تاقانەکانی جینۆساید و بەرکەوتوانی چەکی کیمیای، بەپێی کۆنووسی رێککەوتنەکە کە لە ١٩ی حوزەیرانی ٢٠٢٢ لە نێوان هەردوولا ئیمزاکرا.

فەرمانگەکە بڵاویشیکردووەتەوە، بە پێی نوسراوێکی وەزارەتی تەندروستی پشکنین و نەشتەرگەری و چارەسەری تەندروستی کەس و کاری شەهیدان و زیندانیانی سیاسی و تاقانەکانی جینۆساید و بەرکەوتوانی چەکی کیمیایی، بەنوسراوی پشتگیری وەزارەتی کار و کاروباری شەهیدان و ئەنفالکراوان و ئاماژەدان بە کۆدی تایبەتی لە سەنتەرەکانی دڵ لە پارێزگاکانی هەولێر و سلێمانی و دهۆک بێ بەرامبەر ئەنجام دەدرێت.