شيرين يونس:خاک فرۆشتن بەس لە پارتی جوانە

SNN-عەلی حەمە سەعيد

ئەندامێکی پەرلەمانی کوردستان لە يادی 16ی ئۆکتۆبەردا وەڵامی تۆمەتەکانی پارتی بۆ يەکێتی دەداتەوە و دەڵێت “پارتی هەموو کات دەستەپيسەکەی خۆی بەسەر يەکێتيدا دەسڕێت و ئەوە ئەوان بوون کە خيانەتيان کرد”.

شيرين يونس ئەندامی پەرلەمانی کوردستان بە SNNی راگەياند: مێژوو رەحم بە هيچ کەس ناکات و شاهيدی ئەوە دەدات کە پارتی خيانەتی کردووە، خۆيان و خوشک و برا ئیزدييەکان باش دەزانن کە ئەوان شەنگال و مەخموريان بەبێ تەقەکردن چۆڵکرد تەسليم کرد.

دەشڵێت “داعش لە پياوەتی خۆەان نەهاتن بۆناو هەولێر ئەوکاتە تەنسيقيان هەبوو لەگەڵ داعش، خوشک و برا ئیزدييەکانيان رادەستی داعش کرد، ئێستا وا دەبينين کچان و ژنانی ئیزيدی منداڵيان دەبێت لە چەکدارانی داعش و لەرووی دەرونييەوە تێکشکاون”.

باس لەوەشدەکات: پارتی باسی کوردايەتی و خاک فرۆشتن دەکات، ئەوە ئەوانن خاکيان فرۆشتووە، پێم سەيرە باسی ئەوە دەکەن چونکە خاک فرۆشتن هەر لە ئەوان جوانە.