وهزارهتى شههیدان و ئهنفالكراوان پارهى خوێندن بۆ كوڕ و كچى شههیدان دابیندهكات
دراوى 25 ههزار دینارى عێراق
SNN
وتەبێژی وەزارەتی شەھیدان و ئەنفالکراوانى حكومهتى ههرێمى كوردستان رایدهگهیهنێت، ھەر کوڕ و کچێکی شەھید دەیەوێت لە زانکۆ تایبهتهكان درێژە بەخوێندن بدات کرێی خوێندنی بۆ خەرج دەکرێت.
حاکم عادل، وتەبێژی وەزارەتی شەھیدان و ئەنفالکراوانى حكومهتى ههرێمى كوردستان ئهمڕۆ یهكشهممه 16ى تشرینى یهكهم، بە میدیاى فەرمیی پارتی دیموکراتی کوردستانی راگەیاند، “حکومەتی ھەرێم لەڕێگەی وەزارەتی شەھیدان و ئەنفالکراوانهوه بەردەوام دەبێت لەسەر خەرجکردنی کرێی خوێندنی بۆ کوڕ و کچی سەربەرزی شەھیدان و جینۆسایدکراوان، بۆ ئەمساڵیش ھاوشێوەی ساڵانی رابردوو ھەر کوڕ و کچێکی شەھید بیەوێت بە پارە درێژە بە خوێندن بدات ئەوە لەلایەن وەزارەتەوە کرێی خوێندنی بۆ خەرج دەکرێت و لەسەر ئەرکی حکوومەت کرێی بۆ خەرج دەکرێت”.
وتەبێژی وەزارەتی شەھیدان و ئەنفالکراوانى حكومهتى ههرێمى كوردستان لهبارهى مهرجهكانى دابینكردنى كرێى خوێندن ئهوهشى روونكردهوه، “چەند مەرجێک دیاریکراون بۆ خەرجکردنی کرێی خوێندن لەوانەش دەبێت قوتابی کوڕ یان کچی شەھید بێت و مەرجەکانی خوێندن لەو زانکۆ یان پەیمانگایە بیگرێتەوە دواتر لەلایەن بەڕێوەبەرایەتی سنووری خۆی نووسراوی پشتگیری بۆ زانکۆکە دەکرێت و کرێکە دەکەوێتە سەر حکومەت”.
به وتهى حاکم عادل، “ساڵانی رابردووش وەزارەتهكهیان بەردەوام بووە لەسەر خەرجکردنی کرێی خوێندن و لە ئێستا ژمارەیەکی بەرچاوی کوڕ و کچی شەھید لە زانکۆ و پەیمانگاکان لەسەر ئەرکی حکومەتی ھەرێمی کوردستان درێژە بە خوێندن دەدەن و ئەمساڵ قۆناغێکی دیکەش دەچنە پاڵ ئەوانەی ساڵانی رابردوو”.
