بڕیارێکی بانکی ناوەندی لەبارەی نرخی دۆلارەوە دەکەوێتە بواری جێبەجێکردنەوە
دۆلار
SNN
هه‌ردوو بانكی رافده‌ین و ره‌شید رایانگه‌یاند، له رۆژی شه‌ممه‌وه ده‌ست به فرۆشتنی دۆلار به هاووڵاتیان ده‌كه‌ن به‌هه‌مان نرخی بانكی ناوه‌ندی و بۆ هه‌ر 100 دۆلار بڕی 146 هه‌زار و 500 دینار وه‌رده‌گرن.
لەو بارەوە بانکی رافیدەین رایگەیاندووە، له ڕۆژی شه‌ممه‌وه ده‌ست به فرۆشتنی دراوی بیانی و به‌تایبه‌ت دۆلار ده‌كه‌ن، ئه‌و دراوه‌ش ده‌فرۆشرێته ئه‌و كه‌سانه‌ی كه به‌نیازی گه‌شتكردنن بۆ ده‌ره‌وه‌ی وڵات، هه‌ر هاوڵاتیه‌كیش ده‌توانێت بڕی 10 هه‌زار دۆلار بكڕێت، به‌مه‌رجێك كڕیار ده‌بێت ماسته‌ركارتی بانكی رافده‌ینی هه‌بێت.
روونیشیکردووەتەوە، فرۆشتنی دۆلار به‌هه‌مان نرخی بانكی ناوه‌ندی ده‌بێت، واته بۆ هه‌ر 100 دۆلار بڕی 146 هه‌زار و 500 دینار وه‌رده‌گیرێت.
له‌لایه‌كی دیكه‌شه‌وه بانكی ره‌شید له‌ڕاگه‌یه‌ندراوێكدا بڵاویكرده‌وه، به‌پێی ڕێنماییه‌كانی بانكی ناوه‌ندی عێراق، رێكاره‌كانی فرۆشتنی دۆلاریان بۆ مه‌به‌ستی گه‌شتوگوزار ده‌ستپێكردوه، هه‌ر هاووڵاتیه‌ك ده‌توانێت بڕی 10 هه‌زار دۆلاری ئه‌مریكی وه‌ربگرێت.
