پۆلیسی هەولێر لەسەر کوشتنی هاووڵاتییەک روونکردەوە دەدات

SNN-
پۆلیسی هەولێر رایگەیاند، دوو کەسیان بە تۆمەتی کوشتنی ئەو هاووڵاتییە دەستگیرکردووە کە لە بناری چیای سەفین لە گوندی قەراسنجی سەروو کوژراوە.

بەڕێووەبەرایەتی پۆلیسی هەولێر لە روونکردنەوەیەکدا بڵاویکردووەتەوە، دوای ئاگادارکردنەوەی بەرێوەبەرایەتی پۆلیسی پارێزگای ھەولێر بە وونبونی کەسێک بەناوی (بێستون حەوێز بکر) لەلایەن بنەماڵەکەیەوە کە لە رۆژی 7ی کانوونی دووەمی  2023دەرچووە و نەگەراوەتەوە و بڕی 50 ھەزار دۆلاری ئەمریکیشی لابووە.

پۆلیسی هەولێر ئاماژەی بەوەشکرد، بەمەبەستی بەدواداچوون بۆ کەسی وونبوو دوێنێ دووشەممە 16ی کانوونی دووەمی 2023، لە بناری چیای سەفین لە گوندی قەراسنجی سەروو تەرمەکەی دۆزرایەوە و دوو کەسیش بە تۆمەتی کوشتنی دەستگیرکراون و پەراوی لێکۆڵینەوەیان بۆ رێکخرا و ڕەوانەی بەردەم دادوەری لێکۆڵینەوەی ھەولێر کراون بۆ تەواوکردنی لێکۆڵینەوەکە.