دادگای باڵای بەریتانیا دووبارە هەڵسەنگاندن بۆ بڕیاری ناردنی پەنابەران بۆ رواندا دەکات

SNN

دادگای باڵای بەریتانیا رەزامەندی نیشاندا بە چاوخشاندنەوە و دووبارە هەڵسەنگاندن بۆ بڕیاری ناردنی کۆچبەرانی نایاسایی بۆ رواندا.

لەوبارەیەوە فرانسیس جۆنویۆر راوێژکاری باڵای وەزارەتی کۆچی بەریتانی رایگەیاند، هەموو دادوەرانی داداگای باڵای بەریتانیا رەزمەندییان نیشانداوە بۆ پێداچوونەوە بەو خاڵانەی لەلایەن وەزارەتی کۆچەوە بە نایاسایی وەسفکراوە، بەتایبەت ناردنی کۆچبەرانی نایاسایی بۆ رواندا.

ئەو راوێژکارەی وەزارەتی کۆچی بەریتانیا ئاماژەی بەوەشدا، تاوەکو دادگا دووبارە هەڵسەنگاندنەوە بۆ بڕیارەکە دەکات هیچ کۆچبەرێک رەوانەی رواندا ناکرێت، کە ئەوەش چەند مانگێکی پێدەچێت.

ئەمە لەکاتێکدایە، مانگی حوزەیرانی ساڵی رابردوو حکومەتی بەریتانیا بڕیاری ناردنی پەنابەران و کۆچبەرانی نایاسایی بۆ وڵاتی رواندا دا تا یەکلابوونەوەی دۆسییەکانیان.