چاودێری بازرگانی سلێمانی: سەقفێکمان داناوە بۆ نرخی گۆشت کە 20 هەزار دينارە
گۆشتفرۆشێکی سلێمانی؛وێنە: SNN
SNN
بەڕێوەبەری چاودێری بازرگانی سلێمانی رايگەياند: سەقفێکمان داناوە بۆ نرخی گۆشتی بەرخ و قيمە کە 20 هەزار دينارە هەر گۆشت فرۆشێک لەو نرخە زياتر دابنێت سزادەدرێت.
سۆران عەبدولغەفور بەڕێوەبەری چاودێریی بازرگانی سلێمانی لە چاوپێککەوتنێکی تەلەفيزيۆنيدا رايگەياند: بەهۆی بەرزبوونەوەی نرخی گۆشتی زينە قەپان بۆ 5,250 دينارەوە بۆ8,250 دينار نرخی گۆشتی سوور بەرزبووەتەوە و ئێمە سەقفێکمان بۆ دياريکردووە کە 20هەزارە و لەو نرخە کەمتر بفرۆشرێت کێشەمان نييە بەڵام ئەگەر زياتر بێت ئەو شوێنە دادەخرێت.
سەبارەت بە جياوازی نرخی گۆشتيش لە ناوبازاڕی سلێمانی و دەرەوەی شارەکان وتی “خەڵکی سلێمانی گۆشتخۆرێکی عەجيبە، زياتر گۆشتی بەرخ دەخۆن وە ئەو گۆشتەی لە ناوبازاڕی سلێمانی دەفرۆشرێت پاکدەکرێتەوە و گۆشتێکی بێ چەوری و لەبەيە بۆيە بەو نرخەيە لە شوێنی ديکە چەوری تێکەڵدەکرێت”.
