فراكسیۆنى یهكێتى و پارتى كۆبوونهوه لهبارهى یاساى ههڵبژارد و بابهتى پێكهاتهكان
كۆنگرهى رۆژنامهوانى سهرۆكى فراكسیۆنى یهكێتى و پارتى له پهرلهمانى كوردستان | فۆتۆ: SNN
SNN
كهمێك لهمهوبهر كۆبوونهوهى فراكسیۆنى یهكێتى و پارتى له پهرلهمانى كوردستان كۆتایی پێهات، سهرۆكى فراكسیۆنى پارتیش دهڵێت: “له بابهتى ههڵبژاردن و پێكهاتهكاندا خاڵه هاوبهشهكانمان له خاڵه ناكۆكهكانمان زیاتره لهگهڵ یهكێتى”، سهرۆكى فراكسیۆنى یهكێتیش جهخت لهسهر ئهوه دهكاتهوه، “پێویسته پێكهاتهكان نوێنهرى راستهقینهى خۆیان ههبێت”.
ئهمڕۆ چوارشهممه 8ى ئازار، ههردوو فراكسیۆنى یهكێتى و پارتى له پهرلهمانى كوردستان كۆبوونهوه، بهمهبهستى گفتوگۆكردن لهسهر پرسى یاساى ههڵبژارد و پێكهاتهكان كه خاڵى ناكۆكى نێوان ئهو دوو حزبهیه. لهدوا كۆبوونهوهكهش سهرۆكى ههردوو فراكسیۆنهكه كۆنگرهیهكى رۆژنامهوانیان ئهنجامدا.
له كۆنگرهكهدا زانا مهلا خالید، سهرۆكى فراكسیۆنى پارتى لهپهرلهمانى كوردستان وتى: “كۆبوونهوهكهدا ئهو خاڵه هاوبهشانهى كه لهگهڵ یهكێتى ههمانبوو و زیاتر بوون لهو خاڵه ناكۆكانهى كه ههمان بوو، ئێمه وهك پارتى رازى بووین به تۆمارى دهنگدهرانى عێراق دهنگ بدرێت”.
هاوكات زیاد جهبار، سهرۆكى فراكسیۆنى یهكێتى لهبارهى بابهتى پێكهاتهكانهوه وتى: “ئێمه رێككهوتوین لهسهر ئهوهى كه پێكهاتهكان نوێنهرى راستهقینهى خۆیان ههبێت و بۆ ئهم مهبهستهش گفتوگۆ لهگهڵ پێكهاتهكان خۆیان دهكهین”.
