یەكێتی و پارتی و لایەنەكان رێكەوتن

SNN

كۆبونەوەی یەكێتی و پارتی لەگەڵ كۆمەڵ و یەكگرتوی ئیسلامی و گۆڕان كۆتاییهات و لەسەر شێوازی ئەنجامدانی هەڵبژاردنەكانی هەرێم و تۆماری دەنگدەران رێكەوتن.

لەكۆبونەوەكەدا بابەتەكانی پەیوەست بە هەمواری هەڵبژاردنی پەرلەمان و كۆمسیۆنی باڵای هەڵبژاردن گفتوگۆی راشكاوانەیان لەبارەوە كرا و بڕیاری پێویست لەبارەی ئەم بابەت و تەوەرانەی لای خوارەوە وەرگیرا.

1- سیستمی چوار بازنەی بەپێی پاریزگاکانی هەرێم دەبێت
2- تۆماری بایۆمەتری کۆمسیۆنی سەربەخۆی هەڵبژاردنەکانی عێراق دەکرێتە بنەما بە هەموو پێداویستییەکانیەوە.
3- داتاکانی وەزارەتی پلاندانان حکومەتی عێراقی فیدڕاڵ بەکاردێت بۆ دیاریکردنی رێژەی کورسی پارێزگاکان.
4- کاراکردنەوەی کۆمسیۆنی باڵای هەڵبژاردن و راپرسی هەرێم.
5- سەرۆکایەتی پەرلەمان و فراکستۆحنەکان کۆبوونەویەک لەگەڵ نوێنەرانی پێکهاتەکان لەناو دەرەوەی پەرلەمان ئەنجام دەدەن.