هێرشێکی داعش لە بەغدا کوژراوی لێکەوتەوە
SNN
لە ئەنجامی پەلامارێکی چەکدارانی داعش بۆ سەر ناوچەیەکی باکووری بەغدا دوو کەس کوژران.
حەشدی شەعبی کوژرانی دوو چەکداری خۆی لە ئاکامی پەلامارێکی داعش لە باکووری پارێزگای بەغدا راگەیاند.
دەستەی حەشدی لە راگەیەندراوێکدا ئاماژەی بەوەداوە کە تیرۆریستانی داعش، پەلاماری یەکێک لە ماڵەکانی چەکدارانی حەشدی شەعبییان داوە لە ناوچەی بەخلیفە سەربە قەزای تارمییە باکووری بەغدا.
روونیشیکردووەتەوە، کە لە ئاکامی پەلامارەکەدا، دوو چەکداری حەشدی شەعبی بەناوەکانی عەبدولخالق ئەحمەد ساڵح مەشھەدانی و سەیف ئەحمەد محەمەد مەشھدانی کوژراون.
