شێروان شێروانى دادگایی ده‌كرێت و 3 چالاكوانى بادینانیش دووباره بانگى دادگاى هه‌ولێر كراون
شێروان شێروانی
SNN
رۆژى 13ى ته‌مموز، دادگایی شێروان شێروانى، زیندانى بادینان له شارى هه‌ولێر به‌ڕێوه‌ده‌چێت و سێ زیندانیكراوى پێشووى بادینانیش بانگكراون بۆ دادگاى هه‌ولێر.
ئه‌مڕۆ دووشه‌ممه 20ى حوزه‌یران، به‌ده‌ل به‌روارى، زیندانى پێشووى بادینان رایگه‌یاند، “رۆژى 13ى ته‌مموز، دادگایی شێروان شێروانى، رۆژنامه‌نووسى زیندانیكراوى بادینان له شارى هه‌ولێر به‌ڕێوه‌ده‌چێت”.
به‌ده‌ل به‌روارى ئاشكراشیكردووه، “به‌مه‌به‌ستى شاهێدیدان له‌سه‌ر دۆسیه‌كه‌ى شێروان شێروانى هه‌ریه‌كه له ئه‌یاز ئه‌كره‌م، مه‌لا شڤان به‌رۆشكى و هاریوان عیسا بانگى دادگاى هه‌ولێر كراون له‌لایه‌ن ئه‌نجوومه‌نى دادوه‌رییه‌وه”.
له‌و نووسراوه‌دا كه رۆژى دووشه‌ممه 19ى حوزه‌یران، وه‌ك بانگهێشتنامه‌ى فه‌رمى ئاراسته‌ى هه‌ریه‌كه له ئه‌یاز ئه‌كره‌م، مه‌لا شڤان به‌رۆشكى و هاریوان عیسا كراوه هاتووه، “پێویسته رۆژلا 13ى ته‌مموز، له دادگاى تاوانى سێ هه‌ولێر له كاتژمێر 9:00ى به‌یانى ئاماده‌بن”.
ده‌قى نووسراوه‌كه
