“ناپاڕێینەوە بۆ گەیشتن بە رێککەوتنی ئەتۆمی لەگەڵ ئەمریکا”
ئیبراهیم ڕەئیسی
SNN
ئیبراھیم رەئیسی سەرۆککۆماری ئێران رایگەیاند، ناپاڕێنەوە بۆ گەیشتن بە رێککەوتنی ئەتۆمی لەگەڵ ئەمریکا، بەڵام دانوستانەکان بەجێناھێڵن.
ئیبراھیم رەئیسی لە چاوپێکەوتنێکی تەلەفزیۆنیدا ئاماژەی بەوەکرد، دانوستانەکان لەسەر رێککەوتنی ئەتۆمی لەسەر بنەمای شکۆ و دانایی و بەرژەوەندی بەردەوامن، لە کەس ناپاڕێنەوە بۆ گەیشتن بە رێککەوتن.
راشیگەیاند، ئابووری ئێران بەھۆی سزاکانەوە زیانی زۆری بەرکەوتووە، بەڵام نایبەستنەوە بەو رێککەوتنەوە، بەڵکو جەختدەکەنەوە لەسەر بەرھەمی ناوخۆیی و پەیوەندییە ھەرێمییەکان.
