قائیمقامی قەرەداغ: راو بکەن بەڵام بە یاسا
SNN
قائیمقامی قەرەداغ رایگەیاندووە، پێویستە راوکردنی ئاژەڵ و باڵندە و ماسی لە هەرێمی کوردستان بە یاسایی بکرێت، ئەوانەی ئارەزووی راوکردن دەکەن بەپێی یاسا راوبکەن.
ئەمڕۆ پێنج شەممە ١٤ی ئەیلول، رەئوف کەمال، قائیمقامی قەرەداغ رایگەیاندووە، لە سنووری قەزاکەدا چەندین جۆری باڵندە و ئاژەڵی کێوی هەیە و ساڵانەش ژمارەیەکی زۆری ئەو ئاژەڵانە لەلایەن خەڵکییەوە بەشێوەیەکی نایاسایی راو دەکرێن.
وتوویەتی “پێویستە ئەو کەسانەی ئارەزووی راوکردن دەکەن رێگەیان پێبدرێت، بەڵام بە یاسا رێکبخرێت و پابەندی مەرجەکانیش بن، نەک بەشێوەی هەڕەمەکی راوبکەن”.
ئاماژەی بەوەکردووە، له ماوهى ههشت مانگى رابردووى ئهمساڵدا، له سنوورى قەزای قهرهداغدا دهیان حاڵهتى راوكردنى نایاسایی ههبووه و سهرپێچیكارانیان داوهته دادگا.
