وەزارەتی خوێندنی باڵا کاتی بڵاوکردنەوەی ئەنجامی زانکۆلاینی ئاشکراکرد

SNN

وەزارەتی خوێندنی باڵا ئاشکرایکردووە، نیوەڕۆی ئەمڕۆ 24ی ئەیلول ئەنجامی زانکۆلاین رادەگەیەنرێت، دەشڵیت “ئەوەی داواکاریی پێشکەش کردبێت وەردەگیرێت”.

رۆژی یەکشەممە 24ی ئەیلول، وەزارەتی خوێندنی باڵا و توێژینەوەی زانستی لە راگەیەنراوێکدا ئاشکرایانکردووە، ئەمڕۆ کاتژمێر 12:00 نیوەڕۆ لە کۆنگرەیەکی رۆژنامەوانیدا ئەنجامی وەرگرتنی دەرچووانی 12ی ئامادەیی لە زانکۆ و پەیمانگەکان بۆ ساڵی خوێندنی 2023 بۆ 2024 رادەگەیەنرێت.

ئاماژە بەوەکراوە، هەموو ئەوانەی دەرچووی 12ی ئامادەین و داواکاریان بۆ خوێندنی زانکۆ و پەیمانگەکان پێشکەش کردووە وەردەگیرێن.

جێگەی ئاماژەیە، لە 2 بۆ 14ی ئەیلولی 2023 زانکۆلاین بۆ دەرچووانی پۆلی 12ی ئامادەیی بەشی زانستی و وێژەی و پیشەیی کاراکرا، خوێندکاران داواکاریان بۆ وەرگرتن لە زانکۆ و پەیمانگەکانی کوردستان پڕکردووەتەوە.