هێرشەکانی تورکیا بۆ سەر رۆژئاوا تاوانەی جەنگە
مەزڵوم کوبانی فەرماندەی گشتیی هەسەدە
SNN
مەزڵوم کۆبانێ لە تۆڕی کۆمەڵایەتی ئێکس رایگەیاند، تورکیا لە ماوەی 72 سەعاتدا زیاتر لە 145 پڕۆژەی ژێرخانی ئابوری و شوێنی مەدەنی کردۆتە ئامانج، کە بریتیبوون لە وێستگەکانی کارەبا، ئاو و وزە، نەخۆشخانە و قوتابخانەکان و ئامانجی لەو ھێرشانەش پەکخستنی ژیانی ھاوڵاتیانە لەو ناوچانە.
وتیشی، “تورکیا دەیەوێت لەو رێگایەوە ھەوڵ و تواناکانی ئیدارەی خۆسەری بکاتە ئامانج و ھەموو ھەوڵەکانەکانی وڵاتان و رێکخراوەکان پەکبخات، کە لەو ناوچانە دەستیانپێکردوە بۆ دووبارە بنیادنانەوە لە دوای شکستھێنان بە داعش.”
کۆبانێ جەختیشیکردەوە، لەناوبردنی ژێرخانی ئابووری یەکسانە بە تاوانی جەنگ و ناتوانرێت کەمتر لەوە وەسف بکرێت.
