نرخی نەوت نزمترین ئاستی لە ماوەی سێ مانگدا تۆمارکرد

SNN-

ئه‌مڕۆ چوارشه‌ممه‌ نرخی نه‌وت له‌بازاڕه‌كانی جیهان بۆ نزمترین ئاستی له‌ ماوه‌ی زیاتر له‌ سێ مانگی رابردوو دابه‌زی، بەجۆرێک نرخی به‌رمیلێك نه‌وتی خاوی برێنت 25 سه‌نت دابه‌زی و گه‌یشته‌ 81.36 دۆلار، هاوكات نرخی به‌رمیلێك نه‌وتی خاوی ئه‌مریكیش 35 سه‌نت دابه‌زی و گه‌یشته‌ 77.02 دۆلار.

به‌گوێره‌ی بۆرسه‌ی جیهانی وزه‌، نرخی به‌رمیلێك نه‌وتی خاوی برێنت 25 سه‌نت دابه‌زی و گه‌یشته‌ 81.36 دۆلار، هاوكات نرخی به‌رمیلێك نه‌وتی خاوی ئه‌مریكیش 35 سه‌نت دابه‌زی و گه‌یشته‌ 77.02 دۆلار، لەدوای 24ی تەمموزەوە نرخی هەردوکیان نزمترین ئاستی بەخۆیەوە بینیوە.

سه‌رچاوه‌كانی بازاڕ دره‌نگانی دوێنێ سێشه‌ممه‌، به‌ پشتبه‌ستن به‌ ئاماره‌كانی دامه‌زراوه‌ی نه‌وتی ئه‌مریكی، ڕایانگه‌یاندوه‌ كه‌ كۆگای نه‌وتی خاوی ئه‌مریكا له‌ هه‌فته‌ی ڕابردودا نزیكه‌ی 12 ملیۆن به‌رمیل به‌رزبونه‌ته‌وه‌.

دوێنێ ئیداره‌ی ئه‌مریكا ڕایگه‌یاند، ئه‌مساڵ به‌رهه‌می نه‌وتی خاو له‌ ئه‌مریكا كه‌مێك كه‌متر له‌وه‌ی پێشبینی ده‌كرا به‌رز ده‌بێته‌وه‌، هاوكات خواست له‌سه‌ری كه‌مده‌بێته‌وه‌