بومەلەرزەیەکی بەهێز ئیندۆنیزیای هەژاند

SNN

بومەلەرزەیەکی بەهێز بە گوڕی 6.9 پلە بە پێوەری رێختەر دەریای پاندای لە ئیندۆنیزیا هەژاند.

ئەمڕۆ چوارشەممە 8ی تشرینی دووەم، بنکەی ناوەندی ئەوروپی بۆ بومەلەرزە بڵاویکردووەتەوە، بومەلەرزەکەی ئیندۆنیزیا لە قوڵایی 640 کیلۆمەترەوە روویداوە.

ئاماژە بەوەکراوە، لەدوای بومەلەرزەکە  مەترسی دروستبوونی تسۆنامی لە وڵاتەکەدا هەیە و حکومەت لە ئامادەکاری گرتنەبەری رێوشوینی پێسویستدایە.

ئیندۆنیزیا دەکەوێتەوە سەر پشتێنەی ئاگری چالاکی بومەلەرزە لە زەریای هێمندا، بەو هۆیەوە لە رابردوودا چەندین بومەلەرزە لێیداوە و تسۆنامی لێکەوتووەتەوە.