ئەمڕۆ ئەم شوێنانە مووچەی مانگی 10 وەردەگرن

SNN

ئەمڕۆ مووچەی مانگی 10ی لیواکانی پیادەی وەزارەتی پێشمەرگە دابەش دەکرێت کە بودجەکەیان لە لایەن هاوپەیمانانەوە دابین دەکرێت.

ئەمڕۆ چوارسەممە 8ی تشرینی دووەم، دەستپێکردنی مووچەی مانگی 10ی لیواکان دوای ئەوە دێت کە هاوکاری هێزەکانی هاوپەیمانان بۆ هێزەکانی پێشمەرگە خرایە سەر هەژماری وەزارەتی پێشمەرگە.

ئەمە لە کاتێکدایە، هەر ئەمڕۆ مووچەی وەزارەتەکانی (پلان دانان، بازرگانی و پیشەسازی، سامانە سروشتییەکان، گواستنەوە و گەیاندن، سەرچاوەکانی ئاو و خانەنشینی شارستانی) دابەشدەکرێت.

پێشتر وەزارەتی پێشمەرگە ڕایگەیاند بوو، بەڕێوەبەرایەتی گشتی بودجە و بەرنامەکان (ژمێریاری سەربازی)، ڕێکارە دارایی و ژمێرییاریەکانی ئەنجام داون و بانکەکانی ئاگادارکردوونەتەوە، ئەمڕۆ مووچەی مانگی 10ی لیواکانی پیادەی وەزارەتی پێشمەرگە دابەش دەکرێت.