بانكى ناوهنديى عێراق بڕیارێكى گرنگى لهبارهى نرخى دۆلار دهركرد
دراوى 100 دۆلارى ئهمریكى | فۆتۆ: Dennis Hallinan / Alamy
SNN
بهپێى نووسراوێكى بانكى ناوهنديى عێراق كه بهروارى 22ى تشرینى دووهمى لهسهره، بانكهكه بڕیاریداوه به نرخى فهرمى دۆلار بفرۆشێته هاووڵاتییان.
نووسراوهكه واژووى عهمار حهمهد خهڵهف، جێگرى پارێزگارى بانكى ناوهنديى عێراقى لهسهره و تێیدا هاتووه، “به پشتبهستن به بڕگهى یهكهمى رێكارهكانى رێكخستنهوهى كڕین و فرۆشتنى دۆلار (9/3/463) كه له بهروارى 17ى ئابى 2023 دهرچووه فهرمان به گشت بانكهكان و نووسینگهكانى ئاڵوگۆڕى دراو دهكهین كه به نرخى فهرمى كه بریتیه له ههزار و 320 دینار بۆ ههر دۆلارێك، دۆلار بفرۆشن به هاووڵاتییان”.
له نووسراوهكهدا ئهوهشخراوهتهڕوو، “كه پێویسته گشت بانكهكان و نووسینگهكانى ئاڵوگۆڕى دراو پابهندبن به بڕیارهكهوه له سوودى هاووڵاتیيان”.
دهقى نووسراوهكه
