دادگای فیدڕاڵی سکاڵای دژبە ڕاگرتنی پلەبەرزکردنەوەی فەرمانبەرانی هەرێمی دواخست

SNN

ئەمڕۆ یەکشەممە 26ی تشرینی دووەم، دادگای فیدڕاڵی بڕیاردانی لەسەر ئەو سکاڵایە دواخست کە دژی ڕاگرتنی پلەبەرزکردنەوەی فەرمانبەرانی هەرێمی کوردستان لەلایەن 9 مامۆستا و فەرمانبەری هەرێمەوە تۆمارکرابوو، سکاڵاکانیش لە دژی هەرەیەکە لە مەسرور بارزانی سەرۆکی حکومەتی هەرێم و ئاوات جەناب، وەزیری دارایی هەرێم بەرزکرابوونەوە.

بەگوێرەی خشتەی دانیشتنەکانی دادگای باڵای فیدڕاڵی، کۆبوونەوەی ئەمڕۆ تایبەت بوو بە بڕیاردان لەسەر سکاڵای 9 مامۆستا و فەرمانبەری هەرێمی کوردستان کە دژی ڕاگرتنی پلەبەرزکردنەوەی فەرمانبەران تۆماریان کردبوو، بەڵام دۆسیەکە بۆ 24ی مانگی داهاتوو دواخرا.