داهاتی یەک هەفتەی سلێمانی ئاشکرا دەکرێت

SNN

ماڵپەڕی شەفافیەت ئاشکرایدەکات، داهاتی یەک هەفتەی سلێمانی نزیکە 11 ملیار دینار بووە کە زیاتر لە8 ملیار دیناری نەختینەیە و هەروەها زیاتر لە 2 ملیار دینار بە شێوەی چەکە.

ماڵپەڕی شەفافییەت بۆ چاودێری و رێکخستنی داهاتە نانەوتییەکانی سلێمانی و هەڵەبجە و هەر دوو ئیدارەی راپەڕین و گەرمیان داهاتی یەک هەفتەی راگەیاندووە.

بە پێی ئامارەکانی ماڵپەڕەکە داهاتی هەفتەی رابردوو، بڕی 10 ملیار و 910 ملیۆن و 537 هەزار و 688 دینار بووە، بە جۆرێک کە 8 ملیار و 747 ملیۆن و 264 هەزار و 420 دیناری واتە 80% نەختینەیە.

ئاماژەی بەوەسکردووە،  لەو بڕە 2 ملیار و 154 ملیۆن و 978 هەزار و 458 دینار، واتە 20% بە شێوەی چەکە.

هەروەک ئەوەش خراوەتەڕوو، کە 8 ملیۆن و 294هەزار و 810 دیناریش بەشێوەی مقاسە بووە.