بەڕێوەبەرایەتی حەج و عومرەی کوردستان ئاگادارییەکی بڵاوکردەوە

SNN

بەرێوەبەرایەتی گشتی حەج و عومرەی ھەرێمی کوردستان سەر بە وەزارەتی ئەوقاف و کاروباری ئایینی، ڕایدەگەیەنێت کە بەردەوامن لە ئامادەکارییەکان بۆ ئەنجامدانی تیروپشک بۆ ناوی حاجیانی ئەمساڵ و راگەیاندنیان.
ئەمڕۆ یەکشەممە 10ی کانوونی یەکەم، بەرێوەبەرایەتی گشتی حەج و عومرەی ھەرێمی کوردستان راگەیەنراوێکی بڵاوکردووەتەوە و تیایدا هاتووە، لەکاتی دەستپێکردنی ناونووسین تاوەکوو رێکخستنیان بەردەوام کار لەسەر پرۆسەکە دەکەن و لە ئێستادا لە دوا قوناغی ئامادەکارییەکانیاندا بۆ ئەنجامدانی تیروپشکی ناوی حاجیان بۆ وەرزی حەجی 2024.
ئاماژەبەوەشکراوە، لە ماوەی دوو ھەفتەی داھاتوودا و پێش کۆتایی ئەم مانگە بە ئامادەبوونی دەزگا پەیوەندارەکان و دەزگاکانی راگەیاندن بە شێوەیەکی شەفاف و دادپەروەرانە تیروپشک بۆ ناوی حاجیان ئەنجام دەدرێت و ناوەکان بڵاودەکرێتەوە.