کەشناسی: بارانبارین دەستپێدەکاتەوە

SNN
پێشبینی دەکرێت سبەی دووشەممە باران بارین ناوچە شاخاویەکان بگرێتەوە و لە درەنگانی شەویشدا لەناو سەنتەری شار دابارین دەستپێبکات.

بەشی پێشبینی کەش و هەوا لە وەزارەتی گواستنەوە و گەیاندنی حکومەتی هەرێم بڵاویکردەوە، ئەمڕۆ یەکشەممە، ئاسمان نیمچە هەور دەبێت ,لە گەڵ ئەگەرى نمە باران لە ناوچە شاخاوییەکان، بەراورد بە دوێنێ پلەکانی گەرما کەمێک نزمدەبنەوە.

بەپێی راگەیەندراوەكە، سبەی دووشەممە، ئاسمان نیمچە هەور دەبێت,پاشان لە کاتەکانى ئێوارەدا دەگۆڕێت بۆ هەورى تەواو ,ناوچە شاخاوییەکان بە درێژاى کاتەکان ئەگەرى نمە بارانى هەیە، لە شەودا کاریگەرى شەپۆلێکى باران بارین ڕوو لە ناوچەکەمان دەکات لە درەنگانى شەودا باران بارین دەست پێدەکات، پلەکانی گەرماش بەراورد بە دوێنی واتە یەکشەممە کەمێک بەرز دەبێتەوە.

بەرزترین پلەکانی گەرمای پێشبینیکراو بۆ سبەی بەم جۆرە بن:

هەولێر : 21 پلەى سیلیزى
سلێمانی : 20 پلەى سیلیزى
دهۆک : 19 پلەى سیلیزى
کەرکووک : 23 پلەى سیلیزى
هەڵەبجە : 20 پلەى سیلیزى
زاخۆ : 18 پلەى سیلیزى
گەرمیان : 24 پلەى سیلیزى
حاج ئۆمەران: 12 پلەى سیلیزى
سۆران : 14 پلەى سیلیزى