یانەی بەرشەلۆنە نیگەرانە  بۆ دەستپێکردنەوەی خولەکە

SNN Sport

یانەی بەرشەلۆنەی ئیسپانی نیگەرانە بۆ دەستپێکردنی یارییەکانی خولی ئیسپانیا، ئەمەش پاش راگیرانی خولەکە لە مانگی ئازاری رابردووەوە بەهۆی ڤایرۆسی کۆرۆناوە.

دوای ئەوەی رابیتەی خولەکە بڕیاریدا لە 11ی حوزەیرانی داهاتوو رکابەرییەکان دەستپێبکاتەوەو لە 19ی تەمووز کۆتایی بێت، یانەی بەرشەلۆنە رەخنەی لە دەستپێکی خولەکە هەیە.

رۆژنامەی سپۆرتی ئیسپانی بڵاویکردووەتەوە، بەرشەلۆنە نیگەرانە لە بەرواری دەستپێکی خولەکەو پێی وایە 10 رۆژ بەس نیە بۆ مەشق و راهێنانی بە کۆمەڵ و دەبوایە کاتی زیاتر بە یانەکان بدرێت بۆ ئەوەی راهێنانی بە کۆمەڵ بکەن.

خولی ئیسپانیا 27 هەفتەی لێ تەواو بووە، یانەی بەرشەلۆنە 58 خاڵی کۆکردووەتەوەو لە پلەی یەکەم دەبینرێت، ریاڵ مەدرید بە 56 خاڵ لە پلەی دووەم دێت.