ئەم شەپۆلی بارانبارینە کەی کۆتایی دێت؟

SNN-
کەشناسی هەرێمی کوردستان، پێشبینییەکانی خۆی بۆ کەشوهەوای 48 کاتژمێری داهاتوو بڵاوکردەوە و رایگەیاند، ئەمڕۆ بارانبارین بەردەوام دەبێت و بەفریش لە ناوچە شاخاوییەکان دەبارێت و سبەی ئێوارە ئەم شەپۆلی بارانبارین و سەرمایە کۆتایی دێت.

بەگوێرەی راگەیەندراوی کەشناسی، ئەمڕۆ یەکشەممە 2023-12-24، کەشى باراناوى دەبێت، لەسەرجەمى ناوچەکەمان ئاسمان بەردەوام هەورى دەبێت، باران بارین لە تەواوى ناوچەکەمان دەبارێت لە کاتى جیاجیا، هەندێک کات باران نمە باران و هەندێ کات دەگۆرێت بۆ بارانى مامناوەند، لە دواى نیوەرۆ سنوورى پارێزگاى سلێمانى بە تایبەت ناوچە شاخاوییەکان بارانى بە ڵێزمەى کورت خایەنی دەبێت پاشان لە شەودا لە بەشێک لە سەنتەرى پارێزگاى هەولێر و بەشى باشوورى پارێزگاى هەولێر و ناوچە شاخاوییەکان بارانى زیاتر دەبێت بە بەراوورد بە ناوچەکانى تر . بەفر بارین لەسەر ناوچە سنووریەکان و بەشێک لە لووتکەى شاخە بەرزەکان لە کاتەکانى شەودا دەبارێت و پلەکانی گەرماش زیات نزم دەبنەوە.

هەروەها سبەی دووشەممە، 2023-12-25، لە کاتەکانى بەرەبەیان ئاسمان هەورى و کەمێک باران بارین دەبێت بەشێوەى نمە بارانى پچڕ پچڕ لەسەر ناوچە جیاجیاکان لەگەڵ دروستبوونى تەم لەکاتەکانى بەیانى .لەدواى نیوەڕۆ ئاسمان دەگۆڕێت بۆ نیمچە هەور کاریگەرى ئەم شەپۆڵە کۆتایی دێت و مەوداى بینین/ لە نێوان (6 – 8 ) کم دەبێت لە کاتى دروست بوونى تەم بۆ 2کم و و هەروەها پلەکانی گەرما بەرزدەبێتەوە بە نزیکەى 2- 4 پلە بەراوورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی :
هەولێر : 13 پلەى سیلیزى
سلێمانی : 12 پلەى سیلیزى
دهۆک : 11 پلەى سیلیزى
کەرکووک : 14 پلەى سیلیزى
هەڵەبجە : 13 پلەى سیلیزى
زاخۆ : 11 پلەى سیلیزى
گەرمیان : 19 پلەى سیلیزى
حاج ئۆمەران: 1 پلەى سیلیزى
سۆران : 10 پلەى سیلیزى