سوپای ئیسرائیل: لە 24 كاتژمێری رابردودا 13 ئەفسەرو سەربازمان لە غەزە كوژراون

SNN-

ئەمڕۆ یەکشەممە سوپای سرائیل كوژرانی 8 ئەفسەرو سەربازی دیکەی وڵاتەکەی لە غە*ز*زە راگەیاند، بەوەش ژمارەی سەربازە كوژراوەكانی لە 7 تشرینی یەكەمەوە بۆ 485 سەرباز بەرزبووەتەوە.

بەگوێرەی ئامارەكانی سوپای ئیسرائیل، لەسەرەتای دەستپێكردنی هێرشی زەمینی سوپای ئیسرائیلەوە لەكەرتی غەزە 158 سەرباز كوژراون, كۆی سەربازە بریندارەكانیشی گەیشتووەتە 1996 سەرباز، كە 826-یان لەدوای دەستپێكردنی هێرشی زەمینیەوە برینداربوون.

ئێوارەی دوێنێ سوپای ئیسرائیل كوژرانی پێنج سەربازو برینداربوونی پێنج سەربازی دیكەی لە شەڕەكانی باكورو باشوری كەرتی غەززە راگەیاند, بەوەش ژمارەی كوژراوەكانی 24 كاتژمێری رابردودا گەیشتووەتە 13 ئەفسەرو سەرباز.