“بانكێك قهرز دهداته فهرمانبهرانى ههرێم”
دراوى 25 ههزار دینارى عێراق | فۆتۆ: SNN
SNN
بانكى ئههلى عێراق ئامادهیی خۆى دهربڕى لهڕێگهى پرۆژهى “ههژمارى من”هوه قهرز بداته فهرمانبهرانى ههرێم.
ئهمڕۆ یهكشهممه 7ى كانونى دووهم، بانكى ئههلى عێراق له راگهیهنراوێكدا ئاشكراى كرد، “پهیوهندیان به پرۆژهى ههژمارى منهوه كردووه كه پرۆژهیهكى تایبهته به پێدانى مووچهى فهرمانبهرانى ههرێم بهشێوهى ئهلیكترۆنى بهمهبهستى پێشكهشكردنى چهند خزمهتگوزارییهك به فهرمانبهرانى ههرێم”.
بانكهكه له راگهیهنراوهكهیدا ئاماژهى بهوهشكردوه، “یهكێك لهو خزمهتگوزاریانهى كه پێشكهشى فهرمانبهرانى حكومهتى ههرێم دهكرێت له دهستپێشخهرییهكهدا بریتیه له قهرز و ئاسانكارى بانكى”.
بهپێى زانیارییهكانى بانكهكه، “پێدانی مووچە لەڕێگەی بانکەوە یەکێکە لە میکانیزمە ئاسایش و گونجاوەکان بۆ پێدانی مووچە و فەراهەمکردنی ئاسانکاریی دارایی بۆیان”.
بۆیهكهمجاره بانكێكى عێراقى قهرز به مووچهخۆرانى ههرێم دهدات و بهپێى بهیاننامهى بانكهكه، “هۆكارى ههڵبژاردنیان لهلایهن حكومهتى ههرێمهوه بۆ ئهم كاره بریتیه لهو متمانهیهى كه لهنێوانیاندا ههیه”.
پرۆژهى ههژمارى من، پرۆژهیهكه بۆ به ئهلكترۆنیكردنى سیستمى پێدانى مووچه، به وتهى، مهسرور بارزانى،سهرۆكى حكومهتى ههرێم تاوهكو كۆتایی ساڵى 2024 تهواوى مووچهخۆرانى ههرێم ههژمارى بانكیان بۆ دهكرێتهوه بۆ ئهوهى به شێوهى ئهلیكترۆنى مووچهكانیان وهربگرن.
