پەڕلەمانی عێراق سەرۆکێکی نوێ هەڵدەبژێرێت

SNN-

بڕیارە ئەمڕۆ شەممە پەرلەمانی عێراق کۆببێتەوە و سەرۆکێکی نوێ هەڵبژێرێت و سێ کەسیش بۆ شوێنگرەوەی حەلبوسی دیاریکراون.

به‌ پێی بەرنامەی کاری دەستەی سەرۆکایەتی پەرلەمانی عێراق، ئێواره‌ی ئه‌مڕۆ کاتژمێر 03:00 پەرلەمان بۆ هەڵبژاردنی سەرۆکێکی نوێ کۆدەبێتەوە و شوێنی مەحەمەد حەلبوسی پڕدەکرێتەوە.

رۆژی 10ی تشرینی یەکەمی 2023، لەسەر سكاڵای پەرلەمانتار لەیس دلێمی بە تۆمەتی “ساختەکاری” دادگای فیدڕاڵی ئەندامێتی محه‌مه‌د حه‌لبوسی هەڵوەشاندەوە و لە سەرۆکی پەرلەمان دووریخستەوە، لەو کاتەوە تاوەکو ئێستا سه‌رۆكێكی نوێ بۆ شوێنی حه‌لبوسی نه‌هاتووه‌ته‌ ده‌ستنیشانكردن.

هەر یەک لە شەعلان کەریم کاندیدی حزبی تەقەدووم، کە حەلبوسی سەرۆکایەتی دەکات، هەروەها سالم عیساوی، کاندیدی هاوپەیمانی سیادە، مەحموود مەشهەدانی کاندیدی هاوپەیمانی عەزم.