ساڵی رابردوو لە سلێمانی زیاتر لە 120 کەس بەهۆی ژینگەوە رووبەڕووی سزا بوونەتەوە
SNN
بەرێوەبەری فەرمانگەی ژینگەی سلێمانی رایگەیاند، لە ساڵی رابردوودا زیاتر لە 120 کەس بەهۆی ژینگەوە رووبەڕووی سزاکراونەتەوە.
ئەمڕۆ پێنجشەممە 18ی کانوونی دووەم، دیار غەریب بەڕێوەبەری فەرمانگەی ژینگەی سلێمانی لە کۆنگرەیەکی رۆژنامەوانیدا رایگەیاند: ساڵی رابردوو لەسەر پێنج تەوەری سەرەکی کارمان کردووە و ئێستا بەهۆی پرۆژەی (لەبری سەوزایی) بووەتە شەش تەوەر کە کاری لەسەر دەکەین”
ئاماژەی بەوەکردووە، لە 2023دا هەزار و شەش پرۆژە مۆڵەتی جێبەجێکردنی پێبەخشراوە و 16 پرۆژەش بەهۆی نەبوونی مەرجەکانەوە مۆڵەتی پێنەدراوە.
روونیکردووەتەوە، 20 هەزار و 183 بەدواداچوون لە ساڵی 2023 ئەنجامدراوە و هەزار و 42 بەڵێننامە بە سەرپێچێکاران پڕکراوەتەوە و 128 ئاگادارکردنەوەش بوونی هەبووە، 70 کەس و لایەن رووبەڕووی سزای پێبژاردن بوونەتەوە.
