شارەزایەکی کەشناسی: بەفر سەنتەری شارەکان دەگرێتەوە

SNN

شارەزایەکی کەشناسی رایگەیاند: “هەرێمی کوردستان دەکەوێتە ژێر کاریگەری زنجیرەیەک لە شەپۆلی بارانی باش و شەپۆلی بەفر بارینی بەرفراوان و سەرما و سۆڵەی توندو بەهێزەوە” .

شاڵاو هیدایەت ئاماژەی بەوەشکرد: ئەمەش لەئەنجامی لەبەرژەوەندی بوونی زەریای بەستەڵەکی باکور  بۆ سەرناوچەکە و باڵادەست بوونی ناوچەیەکی زەبەلاحی پەستان بەرز بۆ سەر خۆرئاوای ئەوروپاو بەشێکی تری ناوچەکانی تری ئەوروپا، سیستەمی پەستان بەرزی زەبەلاح ڕێگا بۆ هاتنی سیستمێکی جەمسەری باکوری نزمە پەستانی قوڵەوەبووی داباراناوی و تەڕو سەرما و سۆڵە دەدات بۆ سەر خۆرهەڵاتی ئەوروپا و ڕۆژهەڵاتی ناوەڕاست و هەرێم.

ئەو شارەزایەی کەشناسی ئەوەشی خستووەتەڕوو، سەرەتا لەناوەڕاستی هەفتەی داهاتووە 22 بۆ 23 کاریگەری ئەم سیستەمە دەردەکەوێت لەسەر ناوچەکە بەهاتنەوەی شەپۆلی تری دابارین بۆ سەر ناوچە جیاوازەکان بۆ دواتر کاریگەری سیستەمەکە زیاتر دەبێت و قوڵ دەبێتەوە”.

هەروەک راشیگەیاندووە: “لە کۆتایەکانی مانگ بەولاوە بەفر بارین دادەبەزێت بۆ نزمایەکان و سەنتەری شارە گەورەکانیش و لەگەڵیدا هاتنی سەرمای بەهێزو توند دەست پێدەکات”.