ئەمڕۆ دادگای فیدڕاڵی بـڕیار لە هەڵبژاردنی پەرلەمانی کوردستان دەدات

SNN-

بڕیارە ئەمڕۆ چوارشەممە، دادگای فیدراڵی بڕیاری کۆتایی دەربارەی ئەو سکاڵایە بدات کە یەکێتی نیشتمانی کوردستان لەسەر یاسای هەڵبژاردنی پەرلەمانی کوردستان تۆماریکردووە.

سکاڵاکە لەسەر پێنج ماددەی یاسای هەڵبژاردن تۆمار کراوە و پەیوەندی بە دابەشکردنی هەرێمی کوردستان بەسەر چوار بازنەی هەڵبژاردن و کۆتایی پێکهاتەکانەوە هەیە.

دوێنێ سێشەممە شاندی سەرۆکایەتی هەرێمی کوردستان بە ئامادەبوونی نوێنەری یونامی لە عێراق لەگەڵ کۆمسیۆنی باڵای سەربەخۆی هەڵبژاردنەکانی عێراق کۆبوونەوە کە بڕیارە سەرپەرشتی هەڵبژاردنی پەرلەمانی کوردستان بکات.

چاوەڕواندەکرێت دوای یەکلاکردنەوەی سکاڵاکە، سەرۆکایەتی هەرێمی کوردستان ڕۆژی هەڵبژاردن دەستنیشان بکات کە دەبوو لە مانگی شوباتی ئەمساڵدا ئەنجام بدرایە.